اذا كتلك اكرهك يعني اهواك

اذا كتلك اكرهك يعني اهواك
واذا ابتعد كتلك يعني لتروح
مو سهله عليه ابتعد وانساك
ولو صارت حبيبي تطلع الروح
لئن انت ملاك بهيئه انسان
...وبلياك كلبي يشبع جروح
مو مسموح غيري يصير وياك
بس وياي اريدك تبقى مسموح
اذكر مره عني غبت ساعات
واذكر عيني بعد ضلت تنوح
متلوحك حبيبي صدك الناس
بس انت التريده بعينك تلوح

اشم عطرك حبيبي وين ماروح
لان عطرك مميز ماكو منه
وليكول بجمالك اكو وموجود
يمكن حلم مره ومثلك تمنه
صح مرات تزعل علي يهواي
بس زعلك حبيبي ما احبنه
لان لو تزعل انت جن وكعت بنار
ولو ترضى عليه جن فتت جنه
احبك اي احبك وابقى وياك
لان وياك اني ارتاح واتهنى